आर्थिकन्यूज
काठमाडौं । नेपाल स्टक एक्सचेन्ज (नेप्से) मा विभिन्न चार कम्पनीको बोनस शेयर सूचीकृत भएको छ । सांग्रिला डेभलपमेन्ट बैंक, चिलिमे हाइड्रोपावर, सुपर माई हाइड्रोपावर र कुथेली बुखरी स्मल हाइड्रोपावरको बोनस शेयर सूचीकत भएको हो ।
नेप्सेका अनुसार सांग्रिला डेभलपमेन्ट बैंकको १२ लाख ५२ हजार ८४४ दशमलव १७ कित्ता बोनस शेयर सूचीकृत भएको छ । यसैगरी, चिलिमे हाइड्रोपावरको ७९ लाख ८३ हजार ९९७ दशमलव २० कित्ता, सुपर माई हाइड्रोपावरको ३ लाख ५० हजार कित्ता र कुथेली बुखरी स्मल हाइड्रोपावरको १ लाख २१ हजार ८६७ दशमलव ५० कित्ता बोनस शेयर सूचीकृत भएको छ ।
सांग्रिला डेभलपमेन्ट बैंकले गत आर्थिक वर्ष २०८०।८१ को मुनाफाबाट चुक्ता पुँजीको ३.६५१६ प्रतिशत, चिलिमे हाइड्रोपावरले चुक्ता पुँजीको १० प्रतिशत, सुपर माईले ७ प्रतिशत र कुथेली बुखरीले चुक्ता पुँजीको १० प्रतिशत बोनस शेयर वितरण गरेका थिए ।
उक्त बोनस शेयर नेप्सेमा सूचीकृत भएसँगै लगानीकर्ताको डिम्याट खातामा जम्मा भएपछि दोस्रो बजारमा खरिद बिक्री गर्न सक्नेछन् ।
