आर्थिकन्यूज
काठमाडौं । नेपाल राष्ट्र बैंकको नयाँ गभर्नर नियुक्तिका लागि सरकारको तयारी नै भएको छैन । गभर्नर नियुक्तका लागि सिफारिस समितिको वैठक नै नबसेका कारण आजको मन्त्रिपरिषद बैंकमा गभर्नर नियुक्ती प्रक्रिया अगाडि बढन सकेन ।
गभर्नर नियुक्त सिफारिस समितिका सदस्य विजयनाथ भट्टराईका अनुसार गभर्नर नियुक्तका लागि समितिको बैंठक नै बस्न नसेको बताए । उनले भने, ‘गभर्नर नियुक्त सिफारिस समितिका संयोजक अर्थमन्त्रीले बैठक नै नबोलाउनु भएका कारण गभर्नरका लागि उम्मेदवारको नाम नै सिफारिस गर्न सकिएको छ्रैन ।’
महाप्रसाद अधिकारीको ५ वर्षे कार्यकाल यहि २४ चैतमा सकिँदैछ । त्यसअघि मंगलबारदेखि प्रधानमन्त्री केपी शर्मा ओली बिम्स्टेक शिखर सम्मेलनमा भाग लिन थाइल्यान्ड जाने कार्यक्रम रहेको छ । आज सोमबारको मन्त्रिपरिषद् बैठकले गभर्नर नियुक्त गर्न सक्ने अनुमान कतिपयको थियो ।
तर, सिफारिस समितिले नाम सिफारिस गर्नका लागि बैठक नै नबसेका कारण हो । उपप्रधानमन्त्री तथा अर्थमन्त्री विष्णुप्रसाद पौडेलको संयोजकत्वमा राष्ट्रिय योजना आयोगका पूर्वउपाध्यक्ष प्रा.डा विश्वनाथ पौडेल र राष्ट्र बैंकका पूर्वगभर्नर विजयनाथ भट्टराई सदस्य रहेको गभर्नर सिफारिस समिति गत सोमबारको मन्त्रिपरिषद्ले गठन गरेको थियो ।
यो पनि पढ्नुहोस
