आर्थिकन्यूज
काठमाडौं । आज मंगलबार पनि सुनको भाउ घट्ने क्रम जारी रहेको छ । आज छापावाल सुनको मूल्य तोलाको ४ सय रुपैयाँले घटेको नेपाल सुनचाँदी व्यवसायी महासंघले जनाएको छ ।
महासंघका अनुसार यस दिन छापावाल सुन प्रतितोला एक लाख ७३ हजार ४ सय रुपैयाँमा कारोबार भइरहेको छ । हिजो सोमबार तोलाको एक लाख ७३ हजार ८ सय रुपैयाँ थियो ।
आज चाँदीको मूल्य तोलाको एक हजार ८३० रुपैयाँमा कारोबार भइरहेको छ । हिजो पनि सोही मूल्यमा कारोबार भएको थियो ।
