आर्थिकन्यूज
काठमाडौं । नेपाल विस्तारै दिगो भविष्यतर्फ अघि बढिरहेको छ र यस परिवर्तनमा विद्युतीय सवारी साधन (EV) हरूले ठूलो भूमिका खेलिरहेका छन्। यो परिवर्तनमा अगाडि देखिएको नयाँ नाम हो डीपल। स्मार्ट र स्टाइलिस डिजाइन, उच्च प्रदर्शन र उन्नत प्रविधिसहितको यो विद्युतीय कार ब्रान्ड केवल गाडी मात्रै नभई नेपालको यातायात क्षेत्रमा प्रगतिको प्रतीक बन्दै गएको छ।
डीपल चिनियाँ कम्पनी चांगान अन्तर्गतको एक सब-ब्रान्ड हो, जुन विशेषगरी स्मार्ट विद्युतीय सवारीसाधन उत्पादनमा केन्द्रित छ। नेपालमा यसको आगमन डीपल S07 सँगै भएको हो जुन आकर्षक डिजाइन, एकपटकको चार्जमा ५४० किलोमिटरसम्म (NEDC) गुड्ने क्षमता र शार्प फिचरहरूको लागि परिचित छ। यसमा फराकिलो क्याबिन, पानोरामिक सनरुफ, एडजस्ट गर्न मिल्ने एम्बियन्ट लाइट, भेन्टिलेटेड सिटहरू र डिजिटल ड्यासबोर्ड छन् जसले ड्राइभिङ अनुभवलाई अझै समृद्ध बनाउँछ।
सुरक्षाको हिसाबले पनि डीपल S07 विशेष रहेको छ किनकि यसमा एडाप्टिभ क्रुज कन्ट्रोल, लेन कीपिङ असिस्ट, कोलिजन अभोइडेन्स सिस्टम र मल्टिपल एयरब्याग जस्ता फिचरहरू छन्। शक्तिशाली इलेक्ट्रिक मोटर भएकोले यो सवारी नेपालका विविधतायुक्त भूभागमा शहरभित्र र लामो दूरी दुवै यात्राका लागि उपयुक्त देखिन्छ।
डीपलको अर्को प्रमुख विशेषता भनेको यसको स्मार्ट टेक्नोलोजी हो। यसमा टचस्क्रिन, भ्वाइस कन्ट्रोल, ड्राइभरको लागि फेसियल रिकग्निसन, ३६० डिग्री क्यामेरा सिस्टम र एडभान्स ड्राइभर असिस्ट सिस्टम जस्ता अत्याधुनिक फिचरहरू छन्। १५.६ इन्चको सनफ्लावर टचस्क्रिन (यो सेगमेन्टमै सबैभन्दा ठूलो), ट्राफिक जाम असिस्ट र ओभर-दि-इयर सफ्टवेयर अपडेट जस्ता सुविधा पनि छन्। यसले सवारीलाई अब्स्ट्याकल चिन्न, ट्राफिकअनुसार स्पीड कन्ट्रोल गर्न र आफैं अपडेट भई पर्फर्मेन्स सुधार्न सहयोग गर्छ। सुविधा, प्रविधि र स्टाइल एकैपटक दिने डीपल युवाहरूको लागि उत्कृष्ट विकल्प बन्ने सम्भावना बोकेको ब्रान्ड हो।
डीपलको लोकप्रियताको अर्को कारण भनेकै लगातार बढ्दो इन्धन मूल्य र वातावरणीय चिन्ता हो। मानिसहरू अहिले पेट्रोल-डिजेलको साटो सस्तो र क्लिन विकल्प खोजिरहेका छन्। यस्तोमा डीपल जस्ता विद्युतीय गाडीहरूले दीर्घकालीन खर्च बचाउने र वातावरणमैत्री जीवनशैलीतर्फ लैजान सघाउँछन्। नेपालको जलविद्युत सम्भावनाका आधारमा बिजुलीले चार्ज गर्दा पेट्रोलियम इन्धनभन्दा धेरै सस्तो पर्न आउँछ। ४० मिनेटभन्दा कम समयमा ब्याट्रीलाई ८०% सम्म चार्ज गर्न सकिने फास्ट चार्जिङ क्षमताले डीपललाई अझ सहज बनाएको छ।
नेपालमा डीपलको आगमन विद्युतीय सवारी प्रवर्द्धन गर्ने सरकारी लक्ष्यसँग मेल खान्छ। यस्तो पहुँचयोग्य र किफायती स्मार्ट ईभीको प्रवेशले देशलाई प्रदूषणरहित बनाउन र ऊर्जामा आत्मनिर्भर जीवनशैलीतर्फ लैजान सक्छ।
डीपल केवल नयाँ कार ब्रान्ड होइन, यो त नेपालको यातायातलाई अझ स्मार्ट, सफा र दिगो बनाउने दिशातर्फको परिवर्तनको संकेत हो। अत्याधुनिक प्रविधि, आकर्षक डिजाइन, बलियो प्रदर्शन, स्मार्ट सुरक्षासहित सरकार र जनताको साथ पाएको डीपलले नेपालको ईभी परिवर्तनलाई साँच्चै स्मार्ट बनाउँदै छ।
