आर्थिकन्यूज
काठमाडौं । नेपालका लागि टाटा मोटर्सको एक मात्र आधिकारिक वितरक सिप्रदी ट्रेडिङ प्रालिले विश्व वातावरण दिवस २०२५ को अवसरमा टाटा कर्भ ईभीमा काठमाडौँदेखि कन्याकुमारीसम्मको ऐतिहासिक विद्युतीय यात्राको घोषणा गरेको कम्पनीले जनाएको छ।
के२के ड्राइभ नाम दिइएको यो अभियान आज जेठ २३ गते ९जुन ५, २०२५० देखि सुरु हुँने कम्पनीले जनाएको छ । जसले विद्युतीय गाडीमा लामो दुरीको यात्रालाई प्रोत्साहन गर्नेमा विश्वास राखिएको छ।
यस यात्रामा चर्चित अटो उत्साहीहरू अवशिष प्रसाद ओझा र विजय राम कासजू सहभागी हुँनेछन् । जसले करिब ३०००ं किलोमिटर दूरी तय गर्दै काठमाडौँदेखि भारतको दक्षिणी छेउ कन्याकुमारीसम्मको बाटो विद्युतीय रूपमा पार गर्नेछन्।
कर्भ ईभीमा भारतको कन्याकुमारीतर्फ लाग्नुअघि अवाशिष ओझाले बाटोका हिसाबले र दक्षिण भारत ठाउँका हिसाबले अनौठो नभए पनि विद्युतीय कारमा पहिलोपटक जान लागेकाले केही फरक अनुभव हुने बताए।
मेरो दक्षिण भारतको यात्रा नयाँ भने होइन। तर इलेक्ट्रिक कारले यात्रा गर्दा कस्तो अनुभव हुने हो, चार्जिङ सुविधाको उपलब्धताले यात्रालाई रोमाञ्चक र केही चुनौतीपूर्ण बनाउन सक्छ उनले भने, ू‘हामी यसका लागि धेरै उत्साहित छौं। कर्भ ईभीले हाम्रो यात्रालाई अझ बढी रोमाञ्चक बनाउने छ।’
कर्भ ईभीको १८६ मिलिमिटर ग्राउन्ड क्लियरेन्स भएकाले यात्रामा कुनै ठूलो समस्या आउने देखिँदैन। नेपालमा हालै लन्च भएको टाटा कर्भ ईभी एक अत्याधुनिक इलेक्ट्रिक एसयूभी(कुपे हो। यसमा लेभल–२ एडीएएस, प्यानोरामिक सनरुफ, भि २ एलटेक्नोलोजी लगायत उच्चस्तरीय सुरक्षा र सुविधा रहेको कम्पनीको भनाइ छ ।
विश्व वातावारण दिवसको अवसरमा बिहीबार, सिप्रदीले कर्भ ईभीमा कन्याकुमारी जान लागेका ओझा र कसजुलाई थापाथलिमा रहेको टाटा कार शोरुमबाट ‘फ्ल्याग अफ’ गरी बिदाइ गरेको हो।
