आर्थिकन्यूज
जर्मनी । युरोपेली केन्द्रीय बैङ्क (इसिबी) ले विश्वव्यापी अनिश्चितताको सामना गर्न ‘राम्रो अवस्थामा’ मा रहेको भन्दै आफ्नो ब्याजदरमा समायोजन गरेको छ ।
व्यापक रूपमा अपेक्षा गरिएअनुसार नै इसिबीले आफ्नो प्रमुख निक्षेप दरलाई लगातार सातौं पटक कटौती गर्दै ऋण लागत घटाउन थालेको यसअघिको दरमा एक चोथाई अर्थात् ०.२५ अङ्कले दर घटाएर दुई प्रतिशतमा झारेको छ
अमेरिकी राष्ट्रपति डोनाल्ड ट्रम्पको कर आक्रमणले मूल्यमा गिरावटको दबाब सिर्जना गरेपछि यसले मुद्रास्फीतिको पूर्वानुमानलाई पनि घटाएको छ । सूचकले अब यस वर्ष मुद्रास्फीतिलाई दुई प्रतिशतमा झार्ने केन्द्रीय बैङ्कको लक्ष्यलाई सम्बोधन गर्ने अपेक्षा गरिएको छ।
महामारीपछिको ब्याजदर वृद्धिपछि मुद्रास्फीति स्थिर भएको अवस्थामा इसिबीले युरो प्रयोग गर्ने २० देशमाथिको दबाब कम गर्न ऋणको लागत फिर्ता गर्न आफ्नो ध्यान केन्द्रित गरेको छ।
अमेरिकी व्यापार युद्धले समस्या निम्त्याइरहेको बेला इसिबी प्रमुख क्रिस्टिन लेगार्डले युरो क्षेत्रको अर्थतन्त्रमा बढ्दो शक्तिका साथै भविष्यमा पूर्वाधार र प्रतिरक्षा खर्चको योजनाबाट सम्भावित वृद्धिको सङ्केतहरू देखिएको उल्लेख गरिन । उनले जुलाईमा हुने अर्को बैठकमा ईसीबीले आफ्नो कटौती रोक्ने वा नरोकिने भन्ने बारेमा प्रत्यक्ष रूपमा टिप्पणी गर्न इन्कार गरिन र भनिन्, ' केन्द्रीय बैङ्क समसामयिक समस्या समाधान गर्न ‘राम्रो अवस्थामा छ ।'
उनले थप प्रष्टाउँदै भनिन्, “हामी आउने अनिश्चित परिस्थितिलाई नेतृत्व गर्न राम्रो स्थितिमा छौँ।मलाई लाग्छ, हामी मौद्रिक नीतिको चक्रको अन्त्यमा पुगेका छौँ ।'
इसीबीले सन् २०२५ का लागि आफ्नो आर्थिक वृद्धिको अनुमानलाई ०.९ प्रतिशतमा अपरिवर्तित राखेको छ र मुद्रास्फीति अब दुई प्रतिशतको लक्ष्यको आसपासमा रहेको पनि उल्लेख गरेको छ । युरो क्षेत्रको मुद्रास्फीति मे महिनामा १.९ प्रतिशत मा झरेको थियो ।
आइएनजी बैङ्कका विश्लेषक कास्र्टन ब्रेजेस्कीले लेगार्डको टिप्पणीले ब्याजदर कटौतीमा ‘ग्रीष्मकालीन विराम’ को सङ्केत गरेको बताए ।
उनले भने, “अहिलेको अवमूल्यनकारी जोखिम एक पटकको मात्रै हो वा यसले व्यापक प्रवृत्तिको सङ्केत गर्छ भन्ने कुरा बुझ्न केही समय लाग्नेछ ।”
उनले यस वर्ष सम्भवतः सेप्टेम्बरमा केन्द्रीय बैङ्कबाट थप एक कटौतीको अपेक्षा गरेको बताए ।
इसीबीको कटौतीको श्रृङ्खला अमेरिकी फेडरल रिजर्भको विपरीत छ, जसले ट्रम्पको करले विश्वको शीर्ष अर्थव्यवस्थामा मुद्रास्फीति बढाउन सक्ने डरका बीच हालै दरहरू होल्डमा राखेको छ।
लेगार्डले विश्व आर्थिक मञ्चको नेतृत्व सम्हाल्ने विषयमा छलफल भएको रिपोर्टपछि आफ्नो कार्यकाल छोटो गर्न सकिने सुझावलाई पनि अस्वीकार गरेका छन् ।
उनले भने, “म म आफ्नो मिशन पूरा गर्न पूर्ण रूपमा प्रतिबद्ध छु र म आफ्नो कार्यकाल पूरा गर्न निरन्तर कटिबद्ध छु।”
