आर्थिकन्यूज
एजेन्सी । बंगलादेश वायुसेनाको एक प्रशिक्षण विमान सोमबार ढाकाको एक विद्यालयमा दुर्घटनाग्रस्त भएको छ। एपी रिपोर्टका अनुसार, दुर्घटनामा पाइलट सहित १९ जनाको मृत्यु भएको छ। ढाकाको उत्तरा क्षेत्रको दियाबारी क्षेत्रमा यो विमान दुर्घटनाग्रस्त भएको बताइएको छ। यो विमान माइलस्टोन कलेजको उत्तरी क्याम्पस भित्र रहेको बताइएको छ।
दुर्घटनामा १६४ भन्दा बढी घाइते भएका छन्। ६० भन्दा बढी घाइतेहरूलाई बर्न इन्स्टिच्युटमा रिफर गरिएको छ। सरकारले एक दिनको राज्य शोकको घोषणा गरेको छ। दुर्घटनाको समयमा विद्यालयमा कक्षाहरू चलिरहेका थिए ।
