आर्थिकन्यूज
काठमाडौं । सिवाईसी नेपाल लघुवित्त वित्तीय संस्था लिमिटेडले आर्थिक वर्ष २०८१-८२ को चौथो त्रैमाससम्मको अपरिष्कृत वित्तीय विवरण सार्वजनिक गर्दै उत्साहजनक नतिजा प्रस्तुत गरेको छ।
संस्थाले समीक्षावधिमा ११ करोड ७४ लाख रुपैयाँभन्दा बढी खुद नाफा आर्जन गरेको छ, जुन अघिल्लो वर्षको सोही अवधिको तुलनामा करिब तीनगुणा (२०८.४४५) वृद्धि हो। गत वर्ष यसै समयमा संस्थाको खुद नाफा ३ करोड ८० लाख रुपैयाँ मात्रै थियो।
सिवाईसीको खुद ब्याज आम्दानी ४५ करोड ३ लाख रुपैयाँ पुगेको छ, जसमा ४१.२९ प्रतिशतको वार्षिक वृद्धिदर देखिएको छ। सञ्चालन आम्दानी ४९ करोड ९४ लाख रुपैयाँ रहेको छ भने सञ्चालन मुनाफा १६ करोड २७ लाख रुपैयाँमा पुगेको छ। यद्यपि, यस अवधिमा सञ्चालन खर्च ३३ करोड ६७ लाख रुपैयाँमा थोरै वृद्धि भएको देखिन्छ।
रिटेन्ड अर्निङ्स अघिल्लो वर्षको २ करोड ३३ लाखबाट बढेर ११ करोड ३३ लाख रुपैयाँ पुगेको छ। त्यस्तै, संस्थाको रिजर्भ कोष पनि ३३ करोड ८८ लाखबाट बढेर ३५ करोड ८६ लाख रुपैयाँमा पुगेको छ, जसले पूँजी सुदृढीकरणमा थप टेवा दिएको छ।
सिवाईसीले २ अर्ब ७६ करोड रुपैयाँ निक्षेप संकलन गरेको छ भने ६ अर्ब २५ करोड रुपैयाँ कर्जा प्रवाह गरिसकेको छ। खराब कर्जाको अनुपात घट्दै गएको छ । अघिल्लो वर्षको ४.९५ प्रतिशतबाट घटेर अहिले ४.५४ प्रतिशतमा झरेको छ।
इम्पेयरमेन्ट चार्जका लागि २ करोड २ लाख रुपैयाँ छुट्याइएको छ भने वितरणयोग्य मुनाफा ९ करोड १० लाख रुपैयाँ कायम भएको छ।
