आर्थिकन्यूज
काठमाडौं । नेपाल एसबिआई बैंक मर्चेन्ट बैंकिङ लिमिटेडले गत आर्थिक वर्षको मुनाफाबाट शेयरधनीहरुलाई वितरण गर्ने लाभांश घोषणा गरेको छ । असोज ५ गते बसेकोसञ्चालक समितिको बैठकले सो दरमा लाभांश वितरण गर्ने निर्णय गरेको हो।
संचालक समितिले शेयरधनीहरुलाई ५ करोड रुपैयाँ बराबर (चुक्ता पुँजीमा २५ प्रतिशतका दरले) नगद लाभांश (नगद लाभांशमा लाग्ने कर सहित) वितरण गर्ने प्रस्ताव गरेको छ ।
लाभांश पारित गर्न कम्पनीले आश्विन २७ गते नेपाल एसबिआई बैंकको प्रधान कार्यालयको सभाहल, कमलादी, काठमाडौंमा बिहान ११ः०० बजे साधारण सभा बोलाएको छ ।
साधारण सभाले आ.व. २०८१-८२ का लागि सञ्चालक समितिको प्रतिवेदन उपर छलफल गरी पारित गर्ने तथा आ.व. २०८२-८३ को लागि लेखापरीक्षकको नियुक्ति र निजको पारिश्रमिक निर्धारण गर्नेछ ।
