आर्थिकन्यूज
काठमाडौं । गुराँस लघुवित्तले लाभांश घोषणा गरेको छ। असोज ८ गते बसेको लघुवित्तको संचालक समितिको बैठकले आर्थिक वर्ष २०८१/८२ को मुनाफाबाट वितरण गर्ने लाभांश घोषणा गरेको हो ।
जस अनुसार हाल कायम चुक्ता पुँजीको १४.२५ प्रतिशत बोनस शेयर र कर प्रयोजनको लागि ०.७५ प्रतिशत नगद लाभांश गरि कुल १५ प्रतिशत लाभांश घोषणा गरिएको छ । हाल लघुवित्तको चुक्ता पुँजी ११ करोड ५८ लाख रहेको छ।
यस संगै गुराँस लघुवित्त आर्थिक वर्ष २०८१/८२ को मुनाफाबाट वितरण गर्ने लाभांश घोषणा गर्ने पहिलो लघुवित्त बनेको छ । नेपाल राष्ट्र बैंकले स्वीकृति दिएपछि र लघुवित्तको आगामी साधारणसभाले पारित गरेपछि उक्त लाभांश लगानीकर्तामा वितरण हुने छ।
