आर्थिकन्यूज
काठमाडौं। लामिनार भिट्रिफाईड टायलले “लामिनार मेरो सपनाको घर” नामक नेपालकै पहिलो किसिमको कोठा र बाथरूम मेक-ओभर अभियान सुरु गरेको छ। अभियानको सिर्जनात्मक नेतृत्व मिस नेपाल-२०१६ तथा ईन्टेरियर डिजाइनर अस्मी श्रेष्ठले गरिरहेकी छिन्।
यस अभियान अन्तर्गत बिजेता दुई नेपाली परिवारले आफ्नो घरको एक कोठा तथा एक बाथरूम को पूर्ण रूपान्तरण नि:शुल्क प्राप्त गर्नेछन्। मेक-ओभर मेटलवुड फर्निचर, कोहलर सेनेटरीवेयर, ब्रिलियन्ट लाइटिंग तथा एम्पोरियोस फर्निसिंग्स जस्ता प्रतिष्ठित डिजाइन र लाईफस्टाइल ब्रान्डहरूको सहकार्यमा कार्यान्वयन हुनेछ ।
यसमा सहभागी हुन ३० सेकेन्डदेखि ३ मिनेटसम्मको भिडियो बनाउनुहोस्, जसमा किन तपाईंको कोठा (र आवश्यक परे बाथरूम) लाई किन मेकओभर चाहिन्छ भनेर भन्नु पर्ने हुन्छ भने उक्त भिडियोलाई पब्लिक रूपमा आफ्नो टिकटक, इन्टाग्राम र फेसबुकमा पोष्ट गर्नु पर्ने हुन्छ । यस्तै @laminartiles लाई ट्याग गरेर #LaminarMeroSapanakoGhar ह्यासट्याग प्रयोग गर्नु पर्ने हुन्छ ।
प्रविष्टि भिडियोहरूको मूल्यांकन लामिनार, यसको क्रिएटिभ एजेन्सी, तथा प्रोजेक्ट इन्टेरियर डिजाइनर अस्मी श्रेष्ठ सहितको आन्तरिक समितले गर्नेछ। विजेताहरूको छनौट कथाको प्रस्तुति, आवश्यकता, रचनात्मकता र इन्गेजमेन्टका आधारमा गरिने छ।
प्रत्येक विजेताले प्रिमियम सामग्री, पूर्ण इन्टेरियर डिजाइन, टर्नकी कार्यान्वयन र Before–During–After फोटो/भिडियो डकुमेन्टेशन प्राप्त गर्न सक्नेछन् ।
भिडियो अपलेड गर्ने अन्तिम मिति (२०२६ जनवरी २) र विजेता घोषणा मिती (२०२६ जनवरी ७) रहेको छ ।
