आर्थिकन्यूज
काठमाडौं । नेपालमा बदलिँदो उपभोक्ता जीवनशैलीसँगै इन्स्ट्यान्ट फुड बजार तीव्र गतिमा विस्तार हुँदै गएको छ । यही ट्रेन्डको फाइदा उठाउँदै यशोदा फुड्सको उत्पादन करेन्ट चाउचाउ छोटो समयमै स्वदेशी ब्रान्डका रुपमा स्थापित हुन सफल भएको छ । विशेषगरी नयाँ पुस्ता र विद्यार्थी लक्षित रणनीतिले ब्रान्डलाई बजारमा बलियो बनाएको देखिन्छ ।
छिटो तयार हुने, मसलेदार स्वाद र युवामैत्री ब्रान्डिङका कारण करेन्ट चाउचाउ आज नयाँ पुस्ताको रोजाइमा पर्न सफल भएको छ । यशोदा फुड्सद्वारा उत्पादित यो स्वदेशी इन्स्ट्यान्ट नूडल्स छोटो समयमै बजारमा बलियो पहिचान बनाउन सफल भएको छ।
डिजिटल युगमा हुर्किएको नयाँ पुस्ताको जीवनशैली छिटो, सहज र स्वादमा केन्द्रित छ । यही प्रवृत्तिलाई बुझ्दै करेन्ट चाउचाउले “फास्ट लाइफ, फास्ट फूड” को अवधारणालाई आत्मसात गरेको देखिन्छ । केही मिनेटमै तयार हुने, हट एण्ड स्पाइसी स्वाद र फरक मसला मिश्रणले यसलाई विशेषगरी विद्यार्थी र युवामाझ लोकप्रिय बनाएको छ।
करेन्ट चाउचाउ अहिले केवल खानेकुरा मात्र नभई युवा संस्कृतिको हिस्सा बन्दै गएको देखिन्छ। विद्यालय, कलेज, होस्टेल र अफिसमा सँगै बसेर चाउचाउ खाने चलनले मित्रता र सामाजिक घुलमिल बढाएको युवाहरू बताउँछन्।
करेन्ट चाउचाउको मुख्य विशेषता भनेको यसको बेग्लै मसला संयोजन हो। हल्का पिरो, टमाटरको स्वाद मिसिएको र सुगन्धिलो मसलाले यसलाई अन्य ब्रान्डभन्दा फरक बनाएको छ। ‘करेन्ट’ नामले नै ऊर्जाको संकेत गर्ने भएकाले धेरै युवाले यसलाई एनर्जी दिने चाउचाउ का रूपमा लिने गरेका छन्।
करेन्ट चाउचाउमा प्रयोग गरिने मसला र स्वाद अन्य चाउचाउमा पाइने भन्दा केही फरक खालको हुन्छ । यसको मसला हल्का पिरो, टमाटरको स्वाद मिसिएको र सुगन्धिलो हुन्छ । धेरैले यसलाई “एनर्जी दिने चाउचाउ” भनेर पनि बुझ्ने गर्छन्, किनभने यसको नाम ‘करेन्ट’ नै ऊर्जासँग सम्बन्धित छ । स्वस्थ र गुणस्तरीय होस् भनेर स्थानीय उत्पादनमात्र प्रयोग गर्ने गरेको उत्पादक कम्पनी यशोदा फुड्सले जनाएको छ ।
यशोदा फुड्सका अनुसार करेन्ट चाउचाउ उत्पादनमा ९० प्रतिशतभन्दा बढी नेपाली कच्चा पदार्थ प्रयोग गरिन्छ। अकबरे खुर्सानी, गुन्द्रुक, टिमुर, फापर, कोदो जस्ता स्वदेशी कृषि उपज प्रयोग गरेर अन्तर्राष्ट्रिय स्तरको स्वाद विकास गरिएको कम्पनीको दाबी छ। उत्पादन प्रक्रिया नेपाल सरकारले तोकेको खाद्य सुरक्षा मापदण्डअनुसार प्रयोगशाला परीक्षणपछि मात्र बजारमा पठाइने कम्पनीले जनाएको छ।
यद्यपि पोषण विज्ञहरुले भने नियमित रूपमा इन्स्ट्यान्ट नूडल्सको अत्यधिक सेवन स्वास्थ्यका लागि उपयुक्त नहुने सुझाव दिन्छन्। नुन, तेल र सोडियमको मात्रा बढी हुने भएकाले करेन्ट चाउचाउलाई सन्तुलित रूपमा खानु उपयुक्त हुने उनीहरूको भनाइ छ। तरकारी, अण्डा वा मासु मिसाएर पकाउँदा स्वादसँगै पोषण पनि बढाउन सकिने कम्पनीको भनाई छ ।
स्वदेशी बजारमा स्थापित भइसकेको करेन्ट चाउचाउ अहिले २२ भन्दा बढी मुलुकमा निर्यात हुँदै आएको छ। सन् २०१७ बाट चाउचाउ उत्पादन थालेको यशोदा फुड्सले छोटो अवधिमै बजार विस्तार गर्दै वार्षिक ६ अर्ब रुपैयाँभन्दा बढी कारोबार गरिरहेको छ। बढ्दो मागका कारण कम्पनीले थप उद्योग विस्तारसमेत गरेको छ।
रुपन्देहीको तिलोत्तमा-१५ मा उत्पादन केन्द्र रहेको यशोदा फुड्सले चाउचाउसँगै चिजबललगायत विभिन्न स्न्याक्स उत्पादन गर्दै आएको छ। कम्पनी स्वच्छ प्रतिस्पर्धा, गुणस्तर र उपभोक्ताको विश्वासलाई केन्द्रमा राखेर अगाडि बढिरहेको दाबी गर्छ।
स्वाद, गति र पहिचानलाई एकैसाथ बोकेको करेन्ट चाउचाउ आज नयाँ पुस्ताको स्वाद मात्र होइन, स्वदेशी उत्पादनको सफल उदाहरणका रुपमा स्थापित हुँदै गएको छ। स्वादसँगै स्वास्थ्यमा सन्तुलन राख्न सके करेन्ट चाउचाउ वास्तवमै नेपाली बजारको “पोजेटिभ करेन्ट” बन्न सक्ने देखिन्छ।
