आर्थिकन्यूज
काठमाडौं । प्रभु महालक्ष्मी लाइफमा लगानी गर्ने ठूला लगानीकर्ताको संख्या १६ रहेको छ । कम्पनीले सार्वजनिक गरेको वार्षिक प्रतिवेदन अनुसार १ प्रतिशत वा सोभन्दा बढी स्वामित्व कायम भएका शेयरधनीको संख्या १६ रहेको छ ।
जहाँ नेपाल इन्भेस्टमेन्ट मेगा बैंकको सबैभन्दा धेरै स्वामित्व रहेको छ । कम्पनीको सो बैंकको ६.९८ प्रतिशत स्वामित्व तथा ३५ लाख ६४ हजार कित्ता शेयर रहेको छ । यसैगरी, ज्योति विकास बैंकको स्वामित्व ६.६९ प्रतिशत तथा ३४ लाख १४ हजार कित्ता शेयर रहेको छ ।
यसैगरी, साङ्ग्रिला डेभलपमेन्ट बैंकको स्वामित्व ४.५४ प्रतिशत तथा २३ लाख १८ हजार ६१४ कित्ता शेयर, प्रभु क्यापिटलको ४.०७ प्रतिशत स्वामित्व तथा २० लाख ७७ हजार ८१४ कित्ता शेयर रहेको छ । अघिल्लो वर्ष कम्पनीमा क्यापिटलको स्वामित्व १.३३ प्रतिशत मात्रै थियो । गत वर्ष क्यापिटलले स्वामित्व वृद्धि गरेको हो । नेपाल इन्भेस्टमेन्ट प्रालिको स्वामित्व ३.५८ प्रतिशत तथा १८ लाख २६ हजार कित्ता शेयर, एक्सेल डेभलपमेन्ट बैंकको स्वामित्व २.७९ तथा १४ लाख २५ हजार ६०० कित्ता शेयर र सम्झना अर्यालको २.६८ प्रतिशत स्वामित्व तथा १३ लाख ६६ हजार २०० कित्ता शेयर रहेको छ । अर्याल हाल कम्पनीको सञ्चालक समितिको अध्यक्ष समेत हुन् ।
त्यसैगरी, कम्पनीमा प्रभु ग्रुप प्रालिको स्वामित्व २.५६ प्रतिशत तथा १३ लाख ४ हजार ४२४ कित्ता शेयर, अवेज राज सुमार्गीको २.३३ प्रतिशत स्वामित्व तथा ११ लाख ८८ हजार कित्ता शेयर, प्रभु म्यानेजमेन्ट प्रालिको १.७९ प्रतिशत स्वामित्व तथा ९ लाख १३ हजार कित्ता शेयर एनएमबी बैंकको १.७५ प्रतिशत स्वामित्व र महालक्ष्मी विकास बैंकको १.६६ प्रतिशत स्वामित्व रहेको छ ।
यसैगरी, शिशु अर्यालको १.४० प्रतिशत स्वामित्व छ भने राजन प्रसाद सुवेदीको १.२३ प्रतिशत, एनआरएन एण्ड डेभलपमेन्ट लिमिटेडको १.१६ र राम बहादुर पाण्डेको १ प्रतिशत स्वामित्व रहेको छ । पाण्डे गत वर्षमात्रै कम्पनीको लगानीकर्ताको रुपमा प्रवेश गरेका हुन् ।
यस्तै, कम्पनीबाट प्रभु बैंक बाहिरिएको छ । अघिल्लो वर्ष बैंकसँग कम्पनीको ५.११ प्रतिशत स्वामित्व थियो । तर, गत वर्ष त्यो सबै बिक्री गरेको बैंक बाहिरिएको हो ।
