आर्थिकन्यूज
काठमाडौं । सूर्यकुण्ड हाइड्रो इलेक्ट्रिक लिमिटेडले सर्वसाधारणका लागि निष्कासन गरेको प्राथमिक सार्वजनिक निष्कासन (आईपीओ)मा लगानीकर्ताको उत्साहजनक सहभागिता देखिएको छ।
सिडिएस एण्ड क्लियरिङ लिमिटेडका तथ्याङ्क अनुसार मंगलबार साँझसम्म कम्पनीले निष्कासन गरेको ५ लाख ७२ हजार ४३१ कित्ता शेयरका लागि २० लाख ४९ हजार २८५ जनाले कुल २ करोड ३५ लाख ४ हजार ३७० कित्ताको आवेदन दिएका छन्। यो संख्या मागभन्दा ४१.०६ गुणा बढी हो।
लगानीकर्ताले करिब २ अर्ब ३५ करोड रुपैयाँ बराबरको शेयर माग गरेका छन्। फेब्रुअरी १ (माघ १९) बाट खुला भएको आईपीओमा आवेदन दिने अन्तिम म्याद फेब्रुअरी ४ (माघ २१) सम्म रहेको छ।
माग अत्यधिक भएकाले बाँडफाँट गोला प्रथामार्फत हुने निश्चित भएको छ। यस अनुसार भाग्यमानी ५७ हजार २४३ जनाले मात्र १०–१० कित्ता शेयर पाउनेछन् भने बाँकी करिब २० लाख आवेदक खाली हात रहने देखिन्छ।
