आर्थिकन्यूज
काठमाडौं । सिन्धुपाल्चोकको बाह्रबिसे नगरपालिकाका पूर्वमेयर निमफुञ्जो शेर्पा नेपाली कम्युनिस्ट पार्टी (नेकपा) प्रवेश गरेका छन्।
शुक्रबार काठमाडौंको जडिबुटीमा आयोजित नेकपाका सिन्धुपाल्चोक(काठमाडौं सम्पर्क समन्वय समितिले आयोजना गरेको कार्यक्रमबीच शेर्पा पार्टी प्रवेश गरेका छन्।
उनलाई नेकपाका संयोजक पुष्पकमल दाहाल (प्रचण्ड)ले पार्टीमा स्वागत गरेका छन्। शेर्पाले माघ ९ गते एमाले परित्याग गरेका थिए। उनले २०७४ मा बाह्रबिसे नगरपालिकामा एमालेबाट मेयर जितेका थिए।
उनीसँगै अन्य थुप्रै एमाले कार्यकर्ता नेकपामा प्रवेश गरेको संयोजक प्रचण्डको सचिवालयले जनाएको छ।
