कजारियाले जनकपुरमा नयाँ एक्सक्लुसिभ शोरूम सञ्चालनमा ल्याउँदै

जनकपुर। प्रिमियम र नवीन डिजाइनका टायल उत्पादनमा अग्रणी ब्रान्ड कजारियाले जनकपुरमा नयाँ एक्सक्लुसिभ शोरूम सञ्चालनमा ल्याउँदै आफ्नो उपस्थिति थप सुदृढ गरेको छ। बाबा अटोमाटा ट्रेडिङ प्रा. लि. द्वारा सञ्चालनमा ल्याइएको यस शोरूमले जनकपुर र वरपरका क्षेत्रका ग्राहकहरूलाई उच्च गुणस्तरीय टायल उत्पादन उपलब्ध गराउने उद्देश्य राखेको छ।

शोरूमको उद्घाटन शुक्रबार बिहान ११ बजे विशेष समारोहबीच सम्पन्न भएको थियो। कार्यक्रममा कजारिया रमेश टायल्स लिमिटेडका निर्देशक हिमांशु अग्रवाल, क्षेत्रीय इन्जिनियर तथा आर्किटेक्टहरू, स्थानीय ग्राहक र उद्योग प्रतिनिधिहरू उपस्थित थिए। 

निर्देशक हिमांशु अग्रवालले उद्घाटन समारोहमा भने, “कजारियाको जनकपुर जस्ता प्रमुख शहरमा विस्तार हुनु नेपालका निर्माण तथा पूर्वाधार क्षेत्रमा बढ्दो सकारात्मक गतिशीलताको संकेत हो। यसले उपभोक्तालाई गुणस्तरीय उत्पादनमा पहुँच दिनुका साथै रोजगारी सिर्जना र क्षेत्रीय आर्थिक वृद्धिमा पनि योगदान पुर्‍याउँछ।”

नयाँ शोरूममा ग्राहकहरूले आवासीय, व्यावसायिक तथा आर्किटेक्चरल प्रयोगका लागि उपयुक्त टायलहरूको आकर्षक र व्यवस्थित प्रदर्शनी हेर्न सक्नेछन्। कजारिया रमेश टायल्स लिमिटेडले नेपालमै स्थापना गरेको देशकै सबैभन्दा ठूलो टायल उद्योगमार्फत ३,००० भन्दा बढी डिजाइन विकल्पहरू उपलब्ध गराउँदै आएको छ।

कजारियाका प्रमुख उत्पादनहरूमा ग्लेज्ड भिट्रिफाइड टायल (६०x१२० से.मी., ६०x६० से.मी., १९.५x१२० से.मी.), हेभी ड्युटी ग्लेज्ड भिट्रिफाइड टायल (४०x४० से.मी.), र सेरामिक वाल टायल (३०x६० से.मी., ३०x४५ से.मी.) समावेश छन्। यी सबै टायलहरू पानी र दाग प्रतिरोधी, बलियो, दीगो र आधुनिक डिजाइनमा उपलब्ध छन्।

हाल कजारियाले नेपालभर १०० भन्दा बढी शोरूमहरूको सशक्त सञ्जाल विस्तार गरिसकेको छ, जसले उपभोक्तालाई आधुनिक, गुणस्तरीय र विश्वसनीय टायल उत्पादनमा सहज पहुँच सुनिश्चित गर्दछ।