आर्थिकन्यूज
काठमाडौं। मि नेपाल वर्ल्ड २०२५ की विजेता रक्षा पन्तलाई तपाइको बजारको प्रायोजनमा एक इलेक्ट्रिक स्कुटर हस्तान्तरण गरिएको छ। काठमाडौंको पानीपोखरीस्थित तपाइको बजार शोरुम परिसरमा आयोजित विशेष कार्यक्रममा स्कुटर हस्तान्तरण गरिएको हो। कार्यक्रमको आयोजना रिबन इन्टरटेनमेन्टले गरेको थियो।
कार्यक्रमका प्रमुख अतिथि वरिष्ठ कलाकार मदनकृष्ण श्रेष्ठ रहेका थिए। त्यसैगरी सम्मानित अतिथिहरूमा वरिष्ठ कलाकार सरोज खनाल, वरिष्ठ कलाकार धिरेन शाक्य लगायतकाे उल्लेखनीय सहभागिता रहेको थियो।
प्रमुख अतिथि मदनकृष्ण श्रेष्ठ, तपाइको बजारका प्रबन्ध निर्देशक सुशील संग्रौला तथा प्रमुख कार्यकारी अधिकृत माया लामाको संयुक्त उपस्थितिमा विजेता रक्षा पन्तलाई इलेक्ट्रिक स्कुटरको साँचो हस्तान्तरण गरिएको थियो। कार्यक्रममा मिसेस नेपाल वर्ल्ड २०२५ का अन्य विजेताहरूलाई समेत आयोजक संस्थाद्वारा विभिन्न पुरस्कार प्रदान गरिएको थियो।
कार्यक्रमलाई सम्बोधन गर्दै तपाइको बजारका प्रबन्ध निर्देशक सुशील संग्रौलाले सामाजिक उत्तरदायित्वअन्तर्गत प्रतिभालाई सम्मान गर्न पाउनु गौरवको विषय भएको बताए । “हामी व्यवसाय मात्र होइन, समाजसँग जोडिएको संस्था हौँ। प्रतिभाशाली महिलालाई प्रोत्साहन गर्नु हाम्रो सामाजिक जिम्मेवारी हो,” उनले भने।
