आर्थिकन्यूज
काठमाडौं। नेपाल आयल निगमले बढेर आएको खरिद मूल्यका बाबजुद पेट्रोलियम पदार्थको खुद्रा बिक्री मूल्य यथावत् राख्ने निर्णय गरेको छ।
निगमका अनुसार फागुन १६ गते प्राप्त नयाँ खरिद मूल्य सूचीअनुसार पेट्रोल, डिजेल र एलपी ग्यासको खरिद दर बढेर आएको हो।
नयाँ सूचीअनुसार पेट्रोलमा प्रतिलिटर २.०९ रुपैयाँ, डिजेलमा २.४७ रुपैयाँ र एलपी ग्यासमा प्रतिसिलिन्डर १८.५८ रुपैयाँले खरिद मूल्य वृद्धि भए पनि उपभोक्तामाथि थप भार नपर्ने गरी हाललाई खुद्रा मूल्य नबढाउने निर्णय गरिएको निगमले जनाएको छ।
