आर्थिकन्यूज
तेहरान । इरानमा नयाँ सुप्रीम लिडरको चयन प्रक्रिया चलिरहेका बेला इजरायलले कोम शहरमा हवाई हमला गरेको छ। रिपोर्टहरू अनुसार, इजरायली सेनाले असेंबली अफ एक्सपर्ट्सको भवनलाई निशाना बनाएको हो । जहाँ वरिष्ठ धार्मिक गुरुहरू भेला भएका थिए।
यो निकायमा ८८ सदस्य हुन्छन्, जसले देशको सुप्रीम लिडर चयन गर्ने जिम्मेवारी लिन्छ। हमलामा भवनलाई गम्भीर क्षति पुगेको छ। भवनभित्र त्यतिबेला कति व्यक्ति थिए भन्नेबारे आधिकारिक जानकारी सार्वजनिक भएको छैन।
युद्धको पहिलो दिन शनिबार अमेरिका र इजरायलको संयुक्त आक्रमणमा सुप्रीम लिडर अयातुल्ला अली खामेनेईको मृत्यु भएको थियो। त्यसयता इरानमा सुप्रीम लिडरको पद खाली छ, र नयाँ चयन प्रक्रिया सुरु गरिएको छ।
