आर्थिकन्यूज
काठमाडौं । प्रतिनिधिसभा निर्वाचनअन्तर्गत बिहीबार जारी मतदानमा दिउँसो १ बजेसम्म देशभरि ४४ लाख ५५ हजार ७९० मत खसेको छ ।
बिहान ७ बजेदेखि सुरु भएको मतदान देशभरका मतदान केन्द्रमा जारी रहेको छ ।
निर्वाचन आयोगका अनुसार १ बजेसम्म सबैभन्दा बढी काठमाडौं उपत्यकामा करिब ३६ प्रतिशत मतदान भएको छ । अन्य प्रदेशहरूमा पनि मतदाताको सहभागिता क्रमशः बढ्दै गएको जनाइएको छ ।
देशभरका मतदान केन्द्रहरूमा सुरक्षा व्यवस्था कडा पारिएको छ भने मतदाताहरू शान्तिपूर्ण रूपमा मतदानमा सहभागी भइरहेको आयोगले जनाएको छ ।
प्रतिनिधिसभा निर्वाचनका लागि देशभर १ करोड ८० लाखभन्दा बढी मतदाता रहेका छन् । मतदान बेलुकी ५ बजेसम्म जारी रहनेछ ।
