आर्थिकन्यूज
काठमाडौँ। प्रतिनिधि सभा सदस्यका लागि भइरहेको निर्वाचनअन्तर्गत कास्कीमा दिउँसो ३ बजेसम्म करिब ४८.९८ प्रतिशत मत खसेको छ।
जिल्ला प्रशासन कार्यालय कास्कीका अनुसार यस अवधिमा १ लाख ५१ हजार १४४ मतदाता मतदानमा सहभागी भएका छन्। यसमा ७९ हजार १२७ महिला, ७२ हजार १६ पुरुष र १ अन्य मतदाता रहेका छन्।
बिहीबार देशभर प्रतिनिधि सभा सदस्य चयनका लागि मतदान भइरहेको छ। यस निर्वाचनमा प्रत्यक्षतर्फ १६५ र समानुपातिकतर्फ ११० सांसद निर्वाचित हुनेछन्।
निर्वाचन कार्यालयले मतदाता सुरक्षा र मतदानको स्वच्छता कायम राख्न सबै मतदान केन्द्रमा आवश्यक व्यवस्था मिलाएको जनाएको छ।
