आर्थिकन्यूज
काठमाडौं। काठमाडौं उपत्यकामा राष्ट्रिय स्वतन्त्र पार्टी (रास्वपा) ले फराकिलो मतान्तरसहित अग्रता कायम गरेको छ। काठमाडौंका १० वटै प्रतिनिधिसभा निर्वाचन क्षेत्रमा रास्वपाले लिड गरेको छ भने ललितपुर र भक्तपुरका अधिकांश क्षेत्रमा पनि रास्वपाको अग्रता देखिएको छ। काठमाडौं क्षेत्र नम्बर १ मा रास्वपाकी उम्मेदवार रन्जु न्यौपाने भारी मतान्तरसहित विजयी भइसकेकी छन्।
ललितपुरका तीन निर्वाचन क्षेत्रमध्ये दुई क्षेत्रमा रास्वपाले अग्रता लिएको छ भने भक्तपुरका दुवै क्षेत्रमा पनि रास्वपाले लिड कायम गरेको छ।
काठमाडौं क्षेत्र नम्बर २ मा रास्वपाका सुनिल केसीले अग्रता लिएका छन्। हालसम्म उनले ७ हजार १०१ मत प्राप्त गरेका छन्। नेपाली कांग्रेसका कबिर शर्माले २ हजार ४७८, राष्ट्रिय प्रजातन्त्र पार्टीकी कुन्तीदेवी पोखरेलले १ हजार ६३० र नेकपा (एमाले) का मणिराम फुयाँलले १ हजार ३८१ मत प्राप्त गरेका छन्।
काठमाडौं क्षेत्र नम्बर ३ मा रास्वपाका राजुनाथ पाण्डेले ११ हजार १३८ मतसहित फराकिलो अग्रता लिएका छन्। उज्यालो नेपाल पार्टीका कुलमान घिसिङले ६ हजार ६९९ मत प्राप्त गरेका छन्। नेपाली कांग्रेसका रमेश अर्यालले ३ हजार ८९८ र नेकपा (एमाले) का रामेश्वर फुयाँलले १ हजार ९४४ मत प्राप्त गरेका छन्।
काठमाडौं क्षेत्र नम्बर ४ मा रास्वपाका पुकार बमले १२ हजार १९२ मत प्राप्त गरेका छन्। नेपाली कांग्रेसका सचिन तिमिल्सिनाले ३ हजार ४३२, नेकपा (एमाले) का राजन भट्टराईले २ हजार ८४७ र राष्ट्रिय प्रजातन्त्र पार्टीका सुरेन्द्रराज भण्डारीले ६१० मत प्राप्त गरेका छन्।
काठमाडौं क्षेत्र नम्बर ५ मा रास्वपाका सस्मित पोखरेलले १३ हजार ७०८ मत प्राप्त गरेका छन्। नेपाली कांग्रेसका प्रदीप पौडेलले ४ हजार २१९, नेकपा (एमाले) का ईश्वर पोखरेलले २ हजार २७१ र राष्ट्रिय प्रजातन्त्र पार्टीका कमल थापाले ७४७ मत प्राप्त गरेका छन्।
काठमाडौं क्षेत्र नम्बर ६ मा रास्वपाका शिखिर खनालले २० हजार ९९२ मत प्राप्त गरेका छन्। नेपाली कांग्रेसका कृष्ण बानियाँ क्षेत्रीले ५ हजार १२७ मत प्राप्त गरेका छन्। नेकपा (एमाले) का अमनकुमार मास्केले ३ हजार ६ मत प्राप्त गरेका छन् भने राष्ट्रिय प्रजातन्त्र पार्टीका उद्धव राज भेटवालले २९० मत प्राप्त गरेका छन्।
काठमाडौं क्षेत्र नम्बर ७ मा रास्वपाका गणेश पराजुलीले ११ हजार ५४९ मत प्राप्त गरेका छन्। नेकपा (एमाले) का प्रकाश श्रेष्ठले १ हजार ९७८, नेपाली कांग्रेसका प्रमोदहरि गुरागाईंले १ हजार ५९५ र कम्युनिष्ट पार्टीका बसन्तप्रसाद मानन्धरले १ हजार ५५७ मत प्राप्त गरेका छन्।
काठमाडौं क्षेत्र नम्बर ८ मा रास्वपाका विराजभक्त श्रेष्ठले १८ हजार १११ मत प्राप्त गरेका छन्। नेपाल कम्युनिष्ट पार्टीका सुमन सायमीले २ हजार ३१४, नेपाली कांग्रेसकी सपना राजभण्डारीले २ हजार ५० र राष्ट्रिय प्रजातन्त्र पार्टीका नवीन शाहीले १ हजार ३३४ मत प्राप्त गरेका छन्।
काठमाडौं क्षेत्र नम्बर ९ मा रास्वपाका डोलप्रसाद अर्यालले ९ हजार ७८ मत प्राप्त गरेका छन्। नेपाली कांग्रेसकी नानुमैयाँ बास्तोलाले १ हजार ७६२, नेकपा (एमाले) का अजय क्रान्ति शाक्यले १ हजार ४१५ र राष्ट्रिय प्रजातन्त्र पार्टीका दिलकुमार कार्कीले ३९६ मत प्राप्त गरेका छन्।
काठमाडौं क्षेत्र नम्बर १० मा रास्वपाका प्रदीप विष्टले १० हजार ४०२ मत प्राप्त गरेका छन्। नेपाली कांग्रेसका हिमाल कार्कीले २ हजार ७४४, नेकपा (एमाले) का विनोद श्रेष्ठले १ हजार ६५४ र राष्ट्रिय प्रजातन्त्र पार्टीका बलराम थापाले १ हजार २७४ मत प्राप्त गरेका छन्।
ललितपुरका तीन निर्वाचन क्षेत्रमध्ये दुई क्षेत्रमा रास्वपाले अग्रता लिएको छ। ललितपुर क्षेत्र नम्बर ३ मा रास्वपाकी तोसिमा कार्कीले ८ हजार ८७१ मत प्राप्त गरेकी छन्। नेपाली कांग्रेसका जीतेन्द्रकुमार श्रेष्ठले १ हजार ४९९, नेपाल कम्युनिष्ट पार्टीका राजकाजी महर्जनले ९१२ र नेकपा (एमाले) का सन्दन थापा मगरले ६३६ मत प्राप्त गरेका छन्।
ललितपुर क्षेत्र नम्बर २ मा रास्वपाका जगदीश खरेलले ३ हजार १९९ मत प्राप्त गरेका छन्। नेपाली कांग्रेसका प्रेमकृष्ण महर्जनले ४९३, नेकपा (एमाले) का प्रेमबहादुर महर्जनले ४०७ र उज्यालो नेपाल पार्टीका राजाराम तण्डुकारले १५५ मत प्राप्त गरेका छन्।
ललितपुर क्षेत्र नम्बर १ मा भने नेपाली कांग्रेसका उदयशमशेर राणाले ५ हजार ४ मत प्राप्त गर्दै अग्रता लिएका छन्। रास्वपाका बुद्धरत्न महर्जनले ३ हजार २४३ मत प्राप्त गरेका छन्।
भक्तपुर क्षेत्र नम्बर १ मा रास्वपाका रुकेश रन्जितले ९ हजार ८०४ मत प्राप्त गरेका छन्। नेपाली कांग्रेसका किरण न्यौपानेले ६ हजार ११८, नेपाल मजदुर किसान पार्टीका प्रेम सुवालले ५ हजार ५५ र नेकपा (एमाले) का सोमप्रसाद मिश्रले १ हजार ६ मत प्राप्त गरेका छन्।
भक्तपुर क्षेत्र नम्बर २ मा रास्वपाका राजीव खत्रीले ८ हजार ५२० मत प्राप्त गरेका छन्। नेकपा (एमाले) का महेश बस्नेतले २ हजार ८८७, नेपाली कांग्रेसका कविर राणाले १ हजार ५०३ र राष्ट्रिय प्रजातन्त्र पार्टीले २८७ मत प्राप्त गरेको छ।
