संसदको तस्वीर बदलिँदै: रास्वपा प्रत्यक्षमा नै १२२ सिटको अवस्थामा, अन्यको के छ ?

काठमाडौं । प्रतिनिधिसभा निर्वाचनको मतगणना जारी रहँदा संसदको शक्ति सन्तुलन बदलिने  देखिएको छ। हालसम्मको परिणामअनुसार राष्ट्रिय स्वतन्त्र पार्टी (रास्वपा) ७६ सिट जित्दै र थप ४६ सिटमा अग्रता कायम गर्दै कुल १२२ सिटको अवस्थामा पुगेको छ।

पछिल्लो मत परिणामले नयाँ राजनीतिक शक्तिको रूपमा रास्वपाको प्रभाव तीव्र रूपमा बढेको देखाएको छ। पुराना ठूला दलहरू भने धेरै क्षेत्रमा पछि परिरहेका छन्।

हालसम्म दोस्रो स्थानमा रहेको नेपाली कांग्रेस ले ११ सिट जितेको छ भने ७ सिटमा अग्रता बनाएको छ। त्यस्तै नेपाल कम्युनिष्ट पार्टी (एमाले) ले ४ सिट जित्दा ८ सिटमा अग्रता कायम गरेको छ।

यसैगरी नेपाल कम्युनिस्ट पार्टी ले ३ सिट जित्दा ५ सिटमा अग्रता बनाएको छ। राष्ट्रिय प्रजातन्त्र पार्टी ले १ सिट जितेको छ भने श्रम संस्कृति पार्टी ले ३ सिटमा अग्रता बनाएको छ।

देशभर अन्य निर्वाचन क्षेत्रको मतगणना जारी रहेको छ। हालसम्मको परिणामले आगामी संसदको स्वरूपमा ठूलो परिवर्तन आउने संकेत देखाएको छ।

                        प्रतिनिधिसभा निर्वाचन : दलगत अवस्था (हालसम्म)