आर्थिकन्यूज
एजेन्सी । चीनले समुद्रमा नयाँ रणनीतिक गतिविधि थालेको संकेत देखिएको छ। क्रिसमसको दिन हजारौं चीनीया माछा मार्ने जहाजहरू ज्यामितीय आकारमा एकैसाथ पूर्वी चीन सागरमा देखिएका थिए।
जहाजहरू करिब ४०० किलोमिटर लामो उल्टो टी आकारमा जमाएका थिए। प्रत्येक जहाजबीच करिब ५०० मिटर दूरी राखिएको छ। ती जहाजहरू करिब ३० घण्टासम्म स्थिर रहेपछि अचानक तितरबितर भए। जनवरीमा पनि त्यही क्षेत्रमा करिब १,००० जहाज आयताकार क्षेत्रमा एक दिनभन्दा बढी समयसम्म जमिएका थिए।
ingeniSPACE का COO जेसन वाङका अनुसार, यो जमघट सामान्य माछा मार्ने गतिविधि होइन। चीनको विशाल माछा मार्ने बेडा येलो सी, ईस्ट चाइना सी र साउथ चाइना सीमा सक्रिय छ। यी क्षेत्रमा चीनको प्रत्यक्ष प्रतिस्पर्धा जापान, दक्षिण कोरिया, ताइवान, भियतनाम र फिलिपिन्ससँग हुन्छ।
विश्लेषकहरूले यो गतिविधि चीनको युद्ध तयारी वा सैन्य अभ्याससँग सम्बन्धित हुन सक्ने बताएका छन्। जापानले ताइवानमाथि आक्रमण भए चुप नबस्ने चेतावनी दिएको छ। जापानले आफ्नो सेना बलियो बनाउन थालेको छ र अमेरिका–जापानबीच “गोल्डन डोम” मिसाइल रक्षा पहलमा सहकार्यको तयारी भइरहेको छ।
जापानी सरकारी स्रोतका अनुसार प्रधानमन्त्री सनाए ताकाइचीले १९ मार्चमा वाशिंगटन डीसीमा अमेरिकी राष्ट्रपति डोनाल्ड ट्रम्पसँग हुने शिखर सम्मेलनमा नयाँ सुरक्षा योजनाको घोषणा गर्ने तयारी गरेकी छन्।
यसबीच, चीनले ताइवानका प्रधानमन्त्री चो जुंग–ताईको टोक्यो भ्रमणप्रति कडा आपत्ति जनाएको छ। उनले सप्ताहन्तमा जापानमा एक बेसबॉल खेल हेरेका थिए। जापानले भने चोको भ्रमणका क्रममा कुनै सरकारी अधिकारीसँग सम्पर्क नभएको स्पष्ट पारेको छ।
जापानको विदेश मन्त्रालयका अनुसार, २००४ मा आएको आँधीका कारण ताइवानका तत्कालीन प्रधानमन्त्री यू श्यी–कुनको जापानमा छोटो बसाइबाहेक, १९७२ पछि पहिलोपटक कुनै ताइवानी प्रधानमन्त्रीले जापान भ्रमण गरेका हुन्।
चिनियाँ विदेश मन्त्रालयका प्रवक्ता गुओ जियाकुनले चोको भ्रमणलाई “बुरी मंशा” भएको भन्दै आलोचना गरे। उनले भने, “गुप्त रूपमा जापान पुगेर अलगाववादी उक्साउने गतिविधि गर्नु निन्दनीय छ।”
