आर्थिकन्यूज
एजेन्सी । पश्चिम बंगालमा विधानसभा चुनावको मिति घोषणा भएपछि भारतीय जनता पार्टी (बीजेपी)ले आफ्नो उम्मेदवारहरूको दोस्रो सूची सार्वजनिक गरेको छ। यस सूचीमा कुल १११ जनाको नाम समावेश गरिएको छ।
यसपटकको चुनावमा बीजेपीको तर्फबाट पूर्व राज्यसभा सांसद रूपा गांगुली पनि प्रतिस्पर्धामा उत्रने भएकी छन्। उनी सोनापुर दक्षिण निर्वाचन क्षेत्रबाट चुनाव लड्नेछिन्। त्यस्तै, पूर्व सांसद अर्जुन सिंह नोआपारा विधानसभा क्षेत्रबाट बीजेपीको टिकटमा चुनावी मैदानमा उत्रिने भएका छन्।
यसअघि सार्वजनिक गरिएको पहिलो सूचीमा भने एक स्थानमा परिवर्तन गरिएको छ। बिष्णुपुर सुरक्षित सीटबाट अब विस्वजीत खानलाई उम्मेदवार बनाइएको छ, जबकि यसअघि अग्नीश्वर नस्करलाई टिकट दिइएको थियो।
त्यसैगरी, बीजेपीले जॉयपुर सीटमा बिस्वजीत महतोलाई समर्थन गर्ने घोषणा गरेको छ, जसले स्वतन्त्र रूपमा प्रतिस्पर्धा गर्नेछन् तर उनी बीजेपी समर्थित उम्मेदवार रहनेछन्।
