आर्थिकन्यूज
काठमाडौं। वरिष्ठ अर्थविद् केशव आचार्यको ७२ वर्षको उमेरमा निधन भएको छ।
केही दिनयता स्वास्थ्यमा समस्या देखिएपछि उनलाई सोमबार बिहान चाबहिलस्थित मेडिकेयर अस्पताल पुर्याइएको थियो र त्यसपछि माइतीघरस्थित अन्नपूर्ण न्यूरो अस्पतालमा थप उपचारका लागि लगिएको थियो। तर बिहान ९:५५ मा उनकाे निधन भएको पारिवारिक स्रोतले जानकारी दिएको छ।
आचार्यले नेपाल राष्ट्र बैंकमा तीन दशकभन्दा बढी समय काम गरे र त्यसपछि अन्तर्राष्ट्रिय मुद्रा कोषमा पनि योगदान दिएका थिए। राष्ट्र बैंकमा कार्यकारी निर्देशकका रूपमा जिम्मेवारी सम्हालेका आचार्यले पछिल्लो समय नेपालको आर्थिक नीति, वित्तीय सुशासन र आर्थिक विश्लेषणमा सक्रिय भूमिका खेल्दै आएका थिए।
उनका परिवारमा श्रीमती, एक छोरा र एक छोरी छन्। पारिवारिक स्रोतका अनुसार, छोरी अमेरिकाबाट आइपुगेपछि मात्र उनको अन्त्येष्टि गरिनेछ।
आचार्यको योगदान र अनुभवले नेपालका वित्तीय नीति र अर्थतन्त्रमा लामो समयसम्म प्रभाव पार्ने विश्वास व्यक्त गरिएको छ।
