युद्धबीच इरानमा बिट्कोइनको प्रयोग तीव्र, प्रतिबन्ध छल्ने माध्यम बन्दै

लण्डन । मध्यपूर्वमा युद्ध सुरु भएपछि इरानमा क्रिप्टोकरेन्सीको प्रयोग उल्लेखनीय रूपमा बढेको छ। विज्ञहरूका अनुसार, अन्तर्राष्ट्रिय प्रतिबन्ध छल्न र तीव्र मुद्रास्फीतिबाट जोगिन नागरिक तथा शक्ति केन्द्रहरूले डिजिटल मुद्रालाई सुरक्षित विकल्पका रूपमा अपनाएका छन्।

फेब्रुअरी २८ देखि मार्च २ सम्म इरानी एक्सचेन्जबाट करोडौँ डलर बराबरको क्रिप्टो बाहिरिएको तथ्यांकले ठूलो आर्थिक गतिविधि देखाउँछ। यसको एक तिहाइ रकम विदेशी प्लेटफर्ममा सारिएको बताइएको छ।

विश्लेषणअनुसार, केही डिजिटल वालेटहरू इरानको क्रान्तिकारी गार्ड्ससँग जोडिएका छन्। प्रतिबन्धका कारण परम्परागत बैंकिङ पहुँच सीमित हुँदा क्रिप्टोकरेन्सी वैकल्पिक माध्यम बनेको छ।

नागरिकहरू भने विशेषगरी बिट्कोइनतर्फ आकर्षित छन्, जसले मुद्रास्फीतिको दबाबबीच बचत सुरक्षित राख्न सहयोग गरिरहेको छ।