आर्थिकन्यूज
काठमाडौं । अपर हेवाखोला हाइड्रोपावर कम्पनी लिमिटेडले असार २६ गते १२ औँ वार्षिक साधारण सभा बोलाएको छ । यस अघि चैत १६ गतेका लागि बोलाएको उक्त सभा विशेष कारणवश स्थगित गरेको थियो । असार ३ गते बसेको कम्पनीको सञ्चालक समितिको बैठकले तारकेश्वर पार्टी प्यालेस, गौशाला, काठमाडौंमा विहान ११ बजे पुनः सभा गर्ने निर्णय गरेको हो ।
सभाले गत आर्थिक वर्ष ०७९/८० को वार्षिक प्रतिवेदन सहितका वित्तीय विवरणहरू पारित गर्नुका साथै चालू आर्थिक वर्षको लागि लेखापरिक्षक नियुक्ती र निजको पारिश्रमिक निर्धारणको विषय टुङ्ग्याउनेछ । उपयुक्त नयाँ जलविद्युत आयोजना परिचान गरी लगानी गर्ने वा अन्य कम्पनीद्वारा प्रवर्धित वा निर्माणधिन जलविद्युत आयोजनामा लगानी गर्ने विषयमा पनि आवश्यक निर्णय सभाले गर्नेछ ।
सर्वसाधारण शेयरधनी समूहबाट प्रतिनिधित्व गर्ने एक जना सञ्चालकको पद रित्त रहेकाले उक्त पदमा बाँकी अवधिका लागि सञ्चालकको निर्वाचन गर्ने कार्यक्रम समेत सभाका लागि तय भएको छ । सञ्चालक समितिबाट गरिएको स्वतन्त्र सञ्चालकको नियुक्ती अनुमोदन समेत सभाले गर्नेछ ।
साधारण सभा प्रयोजनका लागि कम्पनीले फागुन २४ गते एक दिन बुक क्लोज गरिसकेको छ । बुक क्लोजको आधारमा फागुन २३ गनेसम्म कायम शेयरधनीहरू मात्र सभामा भाग लिन सक्नेछन् ।
