काठमाडौं । देशभरका सहकारीहरूबाट ५९ हजारभन्दा बढी बचतकर्ताले बचत अपचलन भएको भनी निवेदन दिएका छन् ।
सोमबार सांसदहरूले उठाएका प्रश्नको जवाफ दिँदै प्रधानमन्त्री केपी शर्मा ओलीले ५९ हजार ५८७ जनाले सहकारी बचत हिनामिना तथा अपचलनमा निवेदन दिएको बताए । ती बचतकर्ताको ३५ अर्ब ५१ करोड ७२ लाख ३५ हजार रकम हिनामिना भएको यकिन भएको उनले बताए ।
उनले भने, '३५ अर्ब ५१ करोड ७२ लाख ३५ हजार बराबरको दायित्व यकिन गरिएको छ ।' उनले कर्जा असुली न्यायाधिकरण कर्जा सूचना केन्द्र र सहकारी बचत तथा कर्जा सुरक्षण कोष स्थापना गर्ने प्रक्रिया अघि बढाएर बजेट सुनिश्चित गरिएको जानकारी दिए ।