आर्थिकन्यूज
काठमाडौं । भगवती हाइड्रोपावर डेभलपमेन्ट कम्पनी लिमिटेडको नगद लाभांश शेयरधनीको बैंक खातामा पठाएको छ ।
कम्पनीको असोज १६ गतेको २४औं वार्षिक साधारणसभाबाट पारित १० दशमलव ७३६८ प्रतिशत नगद लाभांश (कर समेत) सम्बन्धित शेयरधनीको बैक खातामा पठाएको हो । कम्पनीले उक्त लाभांश असोज २१ गतेदेखि पठाइएको बताएको छ ।
साथै लाभांश प्राप्त गर्न बाँकी शेयरधनीलाई कम्पनीले डिम्याट खातामा बैंक खाता नम्बर अद्यावधिक गर्न तथा शेयर अभौतिकीकरण गर्न आग्रह समेत गरेको छ । शेयर रजिष्ट्रार सिद्धार्थ क्यापिटल लिमिटेड रहेको छ ।
