आर्थिकन्यूज
काठमाडौं । बेलिब्रिज निर्माणपछि सिन्धुलीको खुर्कोट र रामेछापको मन्थली जोड्ने सडक सञ्चालनमा आएको छ ।
असोज १० गतेदेखि १३ गतेसम्म परेको अविरल वर्षा र बाढी तथा पहिरोका कारण सिन्धुलीको खुर्कोट र रामेछापको मन्थली जोड्ने पुल बगाएको थियो । सडक विभाग र नेपाली सेनाको सहयोगमा बेलिब्रिज तयार भएपछि दुईतर्फी यातायात सञ्चालनमा आएको नेपाली सेनाले जनाएको छ ।
उक्त पुल बगाएपछि बिपी राजमार्ग अवरुद्ध भएको थियो भने दशैँमा यात्रुहरूले अन्य वैकल्पिक सडक सञ्जालबाट यात्रा गर्नुपरेको थियो ।
