आर्थिकन्यूज
काठमाडौं।कामना सेवा विकास बैंकले चालू आर्थिक वर्षको पहिलो तीन महिनामा १७ करोड ४९ लाख ७९ हजार रुपैयाँ खुद नाफा आर्जन गरेको छ । बैंकले यो नाफा गत आर्थिक वर्षको सोहि अवधिको तुलनामा ४६.४० प्रतिशतले बढी हो । गत आवमा बैंकले ११ करोड ९५ लाख २१ हजार रुपैयाँ नाफा कमाएको थियो ।
बैंकको खुद ब्याज आम्दानी पनि ५.६६ प्रतिशत बढेर ५१ करोड ८७ लाख पुगेको छ । गत आवमा बैंकको यस्तो आम्दानी ४९ करोड ९ लाख रुपैयाँ थियो । असोज मसान्तसम्म बैंकको सञ्चालन नाफा ४२.५६ प्रतिशत बढेर २५ करोड ६७ लाख रुपैयाँ पुगेको छ । बैंकको वितरणयोग्य नाफा २० करोड ९८ लाख ४४ हजार रुपैयाँ छ । त्यस्तै, बैकको खराब कर्जा ३.९६ प्रतिशत रहेको छ ।
बैंकको ३ अर्ब ५१ करोड ८ लाख चुक्ता पुँजी रहेको छ भने जगेडा कोषमा १ अर्ब ६९ कोड ३२ लाख रहेको छ । त्यस्तै बैंकले यो तीन महिनामा निक्षेप संकलन ६० अर्ब ७५ करोड ५३ लाख र कर्जा लगानी ४७ अर्ब ४० करोड ६७ लाख रुपैयाँ गरेको छ ।
