आर्थिकन्यूज
काठमाडौं । बिहीबार एकैदिन चार हजारले घटेको सुनको मूल्य आज दुई हजार रुपैयाँले बढेको छ । नेपाल सुनचाँदी व्यवसायी महासंघका अनुसार आज सुनको भाउ प्रतितोला १ लाख ६६ हजार ५ सय रुपैयाँमा कारोबार भइरहेको छ ।
बुधबार १ लाख ६८ हजार ५ सय रुपैयाँ रहेको सुनको मूल्यमा भारी गिरावट आएर बिहीबार १ लाख ६४ हजार ५०० रुपैयाँमा पुगेको थियो ।
यसदिन चाँदीको मूल्य पनि तोलामा २० रुपैयाँ बढेको छ । अघिल्लो दिन प्रतितोला एक हजार ९६० रुपैयाँमा कारोबार भएको चाँदी एक हजार ९८० रुपैयाँमा कारोबार भइरहेको महासंघले जनाएको छ ।
