आर्थिकन्यूज
काठमाडौं । भक्तपुरको भक्तपुर नगरपालिका ३ दरबारस्क्वायर इछुगल्लीमा वृद्धाको शव फेला परेको छ । आफ्नै घरमा हातखुट्टा बाँधिएको अवस्थामा स्थानीय ९४ वर्षीया विष्णुकुमारी त्वयनाको शव फेला परेको भक्तपुरका प्रहरी प्रवक्ता ढुण्डीराज न्यौपाने जानकारी दिए ।
आफ्नै घरको चौथो तलामा उनको शव फेला परेको हो । उनी त्यहाँ एक्लै बस्दै आएकी थिइन् । आफ्नै सुत्ने कोठामा उनको शव फेला परेको प्रहरीले जनाएको छ ।
घटनास्थलमा जिल्ला प्रहरी परिसर भक्तपुरबाट अनुसन्धान अधिकृतसहितको टोली र अपराध शाखा भक्तपुरबाट खटिएको संयुक्तले अनुसन्धान गरिरहेको प्रहरीले जनाएको छ ।
