आर्थिकन्यूज
काठमाडौँ । नेपाल बैंकले ८७ वर्ष पूरा गरेको उपलक्ष्यमा आज काठमाडौँस्थित केन्द्रीय कार्यालयमा ८८ औँ वार्षिकउत्सव मनाइयो । उक्त कार्यक्रममा अर्थमन्त्री विष्णु पौडेल पनि सहभागी रहने कार्यक्रम पनि रहेकोमा उनी सहभागी भएनन्, तर त्यहाँ नेपाल राष्ट्र बैंकका गभर्नर महाप्रसाद अधिकारीसहित विभिन्न वित्तीय संस्थाका प्रतिनिधिहरूको उपस्थिति रहेको थियो ।
उक्त कार्यक्रममा सहभागी हुन राष्ट्रिय बीमा कम्पनीका सीईओ शिवहरि श्रेष्ठ पनि सहभागी थिए । तर मञ्च व्यवस्थापकको लापरबाहीका कारण त्यहाँ दु:खद् दृष्य देखियो । मञ्चमा जडान गरिएको लाइट खसेर राष्ट्रिय बीमा कम्पनीका सीईओ श्रेष्ठको टाउकोमा लाग्दा उनी घाइते हुन पुगे । उनको टाउकोमा टाँका लगाउन परेको पारिवारिक सदस्यले जनाएका छन् ।
उक्त घटनाका कारण केही समय कार्यक्रम प्रभावित भएकोमा श्रेष्ठलाई अस्पताल लगेपछि कार्यक्रम पुन: सुरु भएको थियो ।
