आर्थिकन्यूज
काठमाडौँ । नेकपा एमालेले काठमाडौं महानगरपालिकाले एक लाख जरिवाना तोकेको पत्र बुझ्न इन्कार गरेको छ । गत मंसिर ७ गते एमालेले दरबारमागर्गस्थित खुला सडकमा जागरण सभा गर्ने क्रममा फोहोर गरेको भन्दै काठमाडौं महानगरपालिकाले एक लाख जरिवाना गर्ने निर्णय गरेको थियो ।
खुल्ला सडकमा जागरण सभा गर्ने क्रममा सडक तथा सडकपेटीमा जथाभावी फोहरमैला गरी फोहर उत्पादकको व्यवाथापकीय जिम्मेवारी पूरा नगरेको भन्दै महानगरले फोहरमैला व्यवस्थापन ऐन, २०६८ र काठमाडौं महानगरपालिकाको आर्थिक ऐन, २०८१ बमोजिम जरिवानासम्बन्धी पत्र काटेको थियो । तर एमालेले उक्त पत्र बुझ्न मानेन ।
एमालेले पत्र नबुझेपछि दोस्रो पटक पत्र बुझाउन महानगरपालिकाका प्रतिनिधिहरु अहिले १:४५ बजे नेकपा एमालेको पार्टी कार्यालय जान लागेको नगर प्रहरी निरीक्षक किशोर भट्टराईले जानकारी दिए ।
