आर्थिकन्यूज
काठमाडौं । बेष्ट फाइनान्स कम्पनी लिमिटेडले १ लाख ४५ हजार ४५० कित्ता संस्थापक शेयर पुस १० गतेदेखि विक्रीका लागि निष्काशन गरेको छ ।
कम्पनीले विद्यमान संस्थापक शेयरधनीहरुलाई मात्र प्राथमिकतामा राखेर यी शेयर निष्काशन गरेको हो । इच्छुक विद्यमान संस्थापक शेयरधनीहरुले यी शेयर खरीदका लागि आगामी ३५ दिनभित्र आवेदन पेश गर्न सक्नेछन् । कम्पनीको केन्द्रिय कार्यालय कमलादी, काठमाडौंमा इच्छुक खरीदकर्ताहरुले आवेदन दिनुपर्ने हुन्छ ।
तोकिएको अवधिभित्र विद्यमान संस्थापकले यी शेयरमा आवेदन नदिएमा अन्य व्यक्ति तथा संस्थामा निष्कासन प्रक्रिया अघि बढ्ने जानकारी कम्पनीले दिएको छ ।
