आर्थिकन्यूज
इटहरी । धरानको देउरालीस्थित पाथीभरा सप्लायर्सका प्रेम श्रेष्ठले हिरो एक्स प्लस मोटरसाइकल जितेका छन् । श्रेष्ठ 'वाइवाइ थोक विक्रेता उपहार योजना'को बम्पर उपहार विजेता बन्न सफल भएका छन् ।
सिजी ग्रुपको 'वाइवाइ नुडल्स डिभिजन कोशी प्रदेश'द्वारा आयोजना गरिएको यो योजना अन्तर्गत शुक्रबार इटहरीमा रहेको एरिना बेन्क्वेटमा विशेष कार्यक्रमको आयोजना गरिएको थियो ।
यस योजना अन्तर्गत अन्य थुप्रै आकर्षक पुरस्कारहरु समेत प्रदान गरिएको थियो । जसमा सान्त्वना पुरस्कारस्वरुप १० जनाले सिजी इयर कुलर जिते भने तेश्रो पुरस्कार अन्तर्गत ३ जनालाई ४३ इन्चको सिजी स्मार्ट टिभी र दोश्रो पुरस्कारस्वरुप २ जनालाई ५० इन्चको सिजी स्मार्ट टिभी प्रदान गरियो ।
२०८१ जेठदेखि असोज मसान्तसम्म थोक विक्रेताहरुलाई लक्षित गर्दै सञ्चालन गरिएको यो योजना सिजी ग्रुपको ग्राहकप्रति समर्पण र भरोसा अभिवृद्धिको उद्देश्यले आयोजना गरिएको हो । कार्यक्रमको संयोजन सिजी फुड्स कोशी प्रदेशका मार्केटिङ म्यानेजर रवीन्द्र मास्केले गरेका थिए ।
