आर्थिकन्यूज
काठमाडौं । रौतहटको राजदेवी नगरपालिका वडा नम्बर ५ स्थित पासवान टोलमा आगलागि हुँदा २५ भन्दा बढी फुसको घर जलेर नष्ट भएको छ । स्थानीय बाबुलाल हजराको घरमा विद्युत सर्ट भइ आगोबाट हजरानजिकै रहेको दिपेन्द्र पासवान, प्रदिप पासवान, रामनाथ हजरा सहितका घर पूर्ण रुपमा जलेको छ ।
आगलागी भएको खबरपछि प्रहरी चौकी ब्रम्ह्पुरी, सशस्त्र प्रहरीको बिओपी बेलबिछवा र गौर नगरपालिकाको बारुण यन्त्र घटना स्थल पुगेको थियो । आगो मध्यराति लागेका कारण क्षति बढी भएको प्रहरीको भनाइ छ । घरमा राति सुतेको बेलामा आगलागी भएकाले सरसामान निकाल्न नपाएको प्रहरीले बताएको छ ।
यधपि, मानवीय क्षति भने भएको छैन । लत्ता कपडा, अन्न लगायत जलेको प्रहरीले जानकारी दिएको छ । आगलागीबाट भएको क्षतिको विवरण संकलन भै रहेको जिल्ला प्रहरी कार्यलय रौतहटले जनाएको छ ।
