आर्थिकन्यूज
काठमाडौँ । नेपाली बजारमा शुक्रबार सुनको मूल्य बढेको छ । पछिल्ला केही दिनयता बढ्दै गएको सुनको मूल्य शुक्रबार तोलामा दुई हजार रुपैयाँ बढेर प्रतितोला एक लाख ५३ हजार ५०० रुपैयाँमा कारोबार भैरहेको छ ।
नेपाल सुनचाँदी महासंघका अनुसार बिहीबार सुन तोलामा एक लाख ५१ हजार ५०० रुपैयाँमा खरिदबिक्री भएको थियो ।
यस्तै आज चाँदीको मूल्य तोलामा २० रुपैयाँ बढेको छ । यसदिन चाँदी प्रतितोला एक हजार ८१० रुपैयाँमा खरिदबिक्री हुँदैछ ।
