नयाँ वर्षको अवसरमा जीली ईएक्स फाइभ ईभी किन्दा २ लाखसम्म छुट

काठमाडौं । नेपालमा जीली ईएक्स फाइभ म्याक्स (EX5 Max) र प्रो (Pro) विद्युतीय गाडीको आधिकारिक आयातकर्ता एलआरआर मोटर्सले क्रिसमस तथा अंग्रेजी नयाँ वर्ष २०२६ को अवसरमा ईएक्स फाइभसेलेन्ट बोनान्जा “EX5cellent Bonanza” नामक बिक्री योजना सार्वजनिक गरेको छ ।

ईएक्स फाइभ सिरिजमा लागु हुने यो सीमित अवधिको पर्व तथा नयाँ अग्रेँजी वर्ष सेल्स अफरले नेपाली ग्राहकहरूका लागि प्रिमियम विद्युतीय मोबिलिटीलाई अझ आकर्षक र पहुँचयोग्य बनाउने उद्देश्य राखेको छ ।

यस विशेष योजनाअन्तर्गत डिसेम्बर २५, २०२५ देखि जनवरी ७, २०२६ को अवधिमा जीली ईएक्स फाइभ म्याक्स र प्रो बुकिङ गर्ने ग्राहकहरूले विशेष लाभहरू प्राप्त गर्न सक्नेछन् ।
योजनाअनुसार, जीली ईएक्स फाइभ बुक गर्ने ग्राहकहरूले २ लाखसम्मको प्रत्यक्ष नगद छुटका साथै रुपाकोट रिसोर्टमा दुई जनाका लागि २ दिन १ रातको निःशुल्क बसोबास प्याकेज प्राप्त गर्नेछन् । 

यी अफरहरूका अतिरिक्त, कम्पनीले योजना अवधिको क्रममा निःशुल्क एक्सेसरी र चार्जर, एक वर्षको रोड ट्याक्स तथा एक वर्षको कम्प्रिहेन्सिभ इन्स्योरेन्स समावेश गरिएको छ । 

ग्राहकहरूको सुविधालाई अझ थप गर्दै कम्पनीले आफ्नो गैरिधारास्थित शोरूमबाट  प्रयोगमा रहेका सवारीसाधनहरूको अन–द–स्पट उत्कृष्ट मूल्यांकन सुविधा पनि उपलब्ध गराउने बताएको छ, जसले ग्राहकहरूलाई जीली ईएक्स फाइभमा अपग्रेड गर्न सहज बनाउने विश्वास लिइएको छ । साथै, सम्भावित ग्राहकहरूले टेस्ट ड्राइभ गर्दा आकर्षक गिफ्ट ह्याम्परहरू पनि प्राप्त गर्न सक्नेछन्, जसले जीलीको कार्यक्षमता, सुविधा र उन्नत प्रविधि प्रत्यक्ष रूपमा अनुभव गर्न प्रोत्साहित गर्नेछ ।  

राष्ट्रब्यापी डिलर सञ्जालको बिस्तारमा आक्रामक बन्दै जिली ईएक्स-५

जीली ईएक्स फाइभ : सबैभन्दा धेरै स्टोरेज स्पेस भएको ईभी

“क्रिसमस र अंग्रेजी नयाँ वर्षलाई स्वागत गर्न तयार गरिरहँदा हामी हाम्रा ग्राहकहरूसँग अझ नजिकबाट जोडिन चाहन्छौं,” एलआरआर मोटर्सका बिक्री प्रमुख अधिर श्रेष्ठ भन्छन्, “यस सीमित अवधिको अफरमार्फत हामी प्रत्यक्ष नगद लाभ, स्वामित्व लागत सहयोग र अनुभवजन्य पुरस्कारमार्फत अर्थपूर्ण मूल्य थपिरहेका छौं । एलआरआर मोटर्समा हामी सहज ईभी स्वामित्व तथा यात्राको सुनिश्चितता र दिगो यातायाततर्फ नेपालको रूपान्तरणलाई निरन्तर सहयोग गर्न प्रतिबद्ध छौं ।”

जीली ईएक्स फाइभ म्याक्स र प्रो दुवैले विद्युतीय सवारीसाधनको डिजाइन, सुरक्षा तथा इन्टेलिजेन्ट फिचरहरूमा जिलीका नवीनतम प्रविधिहरू प्रतिनिधित्व गर्छन्, जसले नेपालमा दिगो र उच्च गुणस्तरीय मोबिलिटी समाधानप्रतिको बढ्दो मागलाई सम्बोधन गरेको छ ।