आर्थिकन्यूज
पोखरा। कास्कीका तीनवटै प्रतिनिधिसभा निर्वाचन क्षेत्रमा राष्ट्रिय स्वतन्त्र पार्टी (रास्वपा) का उम्मेदवारहरूले अग्रता फराकिलो बनाएका छन्।
शुक्रबार बिहानसम्मको मतगणनाअनुसार कास्की–१ मा रास्वपाका खडकराज पौडेल ‘गनेस’ अग्रस्थानमा छन्। उनले २ हजार ६५३ मत प्राप्त गरेका छन्। नेपाली कांग्रेसका तिलक रानाभाटले १ हजार १२३, नेकपा एमालेका बैनबहादुर क्षेत्रीले १ हजार ५०० र नेकपाका राजकाजी गुरुङले १२९ मत पाएका छन्।
कास्की–२ मा रास्वपाका उम्मेदवार उत्तमप्रसाद पौडेलले २ हजार ४१७ मतसहित अग्रता कायम गरेका छन्। एमालेकी रश्मि आचार्यले १ हजार २१४, कांग्रेसका माधवप्रसाद बाँस्तोलाले ७१७ र नेकपाका हेमबहादुर थापाले ९३ मत प्राप्त गरेका छन्।
यस्तै कास्की–३ मा रास्वपाकी विना गुरुङ २ हजार ७४ मतसहित अगाडि छन्। कांग्रेसका मनोज गुरुङले ८९५, एमालेका दामोदर पौडेल ‘वैरागी’ ले ५६७ र नेकपाका गोपाल गिरीले ११८ मत प्राप्त गरेका छन्।
तीनवटै निर्वाचन क्षेत्रमा मतगणना जारी रहेको निर्वाचन अधिकारीहरूले जनाएका छन्।
प्रतिक्रिया